સ્કુલના બાળકોમાં અત્યારે ક્રાઈમનું પ્રમાણ ચિંતાજનક રીતે વધી ગયું છે. અમદાવાદના મણીનગર વિસ્તારની સેવન્થ ડે સ્કુલમાં ધોરણ 8 ના એક વિદ્યાર્થીએ ધોરણ 10 ના વિદ્યાર્થીની છરીના ઘા મારીને હત્યા કરી દેતા ચકચાર મચી ગઈ છે. બાળકોમાં વધી રહેલી ક્રિમીનલો જેવી માનસિકતા એ ખરેખર અત્યારે ચિંતાનો વિષય છે. ત્યારે હવે આના માટે માતા-પિતાઓએ વિચારવું પડશે, તંત્ર અને સરકાર તો પોતાનું કામ કરશે પરંતુ માતા-પિતાઓએ પોતાના બાળકની માનસિકતા ક્રાઈમ તરફ ન દોરાઈ જાય તેનું ધ્યાન રાખવું પડશે. સેવન્થ-ડે સ્કુલની આ ઘટના તમામ માતા-પિતાઓ માટે એક લાલ બત્તિ સમાન કિસ્સો છે. વિચારવું પડશે કે આખરે બાળકો ક્યાથી આ ક્રાઈમ શિખે છે અને ક્યાંથી બાળકો આટલી ક્રૂર માનસિકતાના બની જાય છે. પ્રસ્તુત છે અમારો વિશેષ અહેવાલ.
અમદાવાદમાં દસમા ધોરણના વિદ્યાર્થીની છરીના ઘા મારીને હત્યા કરવામાં આવી છે. ગુસ્સે ભરાયેલા પરિવારના સભ્યોએ શાળામાં તોડફોડ કરી હતી. મંગળવારે વિદ્યાર્થી પર હુમલો કરવામાં આવ્યો હતો, ત્યારબાદ તેને ગંભીર હાલતમાં હોસ્પિટલમાં દાખલ કરવામાં આવ્યો હતો, જ્યાં આજે તેનું મૃત્યુ થયું હતું. આ ઘટના અમદાવાદના ખોખરામાં એક ખાનગી શાળામાં બની હતી. અહીં, મંગળવારે આઠમા ધોરણના વિદ્યાર્થીએ દસમા ધોરણના 15 વર્ષીય નયન પર છરી વડે હુમલો કર્યો હતો. નયનને ગંભીર હાલતમાં સારવાર માટે હોસ્પિટલમાં લઈ જવામાં આવ્યો હતો. સારવાર દરમિયાન નયનનું મોત થયા બાદ માતા-પિતા ગુસ્સે ભરાયા છે. મૃતક વિદ્યાર્થી સિંધી સમુદાયનો હતો, જ્યારે આરોપી વિદ્યાર્થી મુસ્લિમ હતો, જેના કારણે સાંપ્રદાયિક તણાવ ફેલાયો છે. ગુસ્સે ભરાયેલા ટોળાએ બુધવારે શાળામાં તોડફોડ કરી હતી. શાળાની મિલકતનો નાશ કરવામાં આવ્યો હતો અને બસો પર પણ પથ્થરમારો કરવામાં આવ્યો હતો.
આજે સવારથી જ સિંધી સમુદાયના લોકો મોટી સંખ્યામાં શાળામાં પહોંચી ગયા હતા. વિદ્યાર્થીના મૃત્યુથી રોષે ભરાયેલા વાલીઓ, હિન્દુ સંગઠનો અને ABVPના કાર્યકરોએ શાળામાં તોડફોડ કરી હતી. શાળાના કર્મચારીઓને પણ માર મારવામાં આવ્યો હતો. વાલીઓમાં ફેલાયેલા ગુસ્સાને ધ્યાનમાં રાખીને, શાળામાં ભારે પોલીસ બંદોબસ્ત ગોઠવી દેવામાં આવ્યો છે. પોલીસે નયન પર હુમલો કરનાર નવમા ધોરણના વિદ્યાર્થીની અટકાયત કરી છે. પોલીસ કિશોર કાયદા હેઠળ કાર્યવાહી કરી રહી છે. આરોપી વિદ્યાર્થી ઉપરાંત, વાલીઓએ શાળાના આચાર્ય અને મેનેજમેન્ટ સામે ફરિયાદ નોંધાવવાની માંગ કરી છે.
