લોકસભામાં કેન્દ્રીય ગૃહમંત્રી અમિત શાહે ત્રણ મહત્વના બિલ રજૂ કર્યા છે. આ બિલ અંતર્ગત ગંભીર અપરાધીક આરોપોમાં સતત 30 દિવસ સુધી જેલમાં રહેવા પર પ્રધાનમંત્રી, કેન્દ્રીય મંત્રી, મુખ્યમંત્ર અથવા રાજ્ય કાં તો કેન્દ્ર શાસિત પ્રદેશના મંત્રીને પદ પરથી હટાવવાનું પ્રાવધાન છે. આ બિલ જ્યારે સંસદમાં રજૂ થઈ રહ્યું હતું ત્યારે સદનમાં જોરદાર હોબાળો જોવા મળ્યો અને વિપક્ષી સાંસદોએ આ બિલનો જોરદાર વિરોધ કર્યો.
વિપક્ષના કેટલાક સાંસદોએ લોકસભાની લોબીમાં આવીને સુત્રોચ્ચાર કર્યા અને આ દરમિયાન કેટલાક વિપક્ષી સાંસદોએ બિલની કોપી પણ ફાડી નાંખી અને કાગળના ટૂકડા અમિત શાહ તરફ ઉછાળ્યા હતા. જો કે, અમિત શાહે બિલ રજૂ કરવા દરમિયાન કહ્યું કે, સરકાર આ બિલને જેપીસીને મોકલવાનો પ્રસ્તાવ મૂકે છે. આમ છતાંય આ બિલને વિરોધનો સામનો કરવો પડ્યો.
સંવિધાનનું 130 મું સંશોધન વિધેયક પાસ થવા દરમિયાન સંસદમાં સતત સુત્રોચ્ચાર થતા રહ્યા. વિપક્ષી સાંસદોએ સત્તા પક્ષને ઘેરી લીધો અને ગૃહમંત્રીનું માઈક પણ વાળી નાંખવાનો પ્રયત્ન કરવામાં આવ્યો. આના પર ખૂબ જ હોબાળો થયો અને સદનની અંદર સ્થિતિ તણાવપૂર્ણ થઈ ગઈ. આ દરમિયાન સત્તા પક્ષના કેટલાય સાંસદ, ગૃહમંત્રીનો બચાવ કરવા માટે આગળ આવ્યા અને વિપક્ષી સાંસદોનો રોકવાનો પ્રયત્ન કર્યો.
વેલમાં આવીને વિરોધ પક્ષની નારેબાજી
સત્તા પક્ષ તરફથી રવનીત બિટ્ટુ, કમલેશ પાસવાન, કિરણ રિજિજુ, સતીશ ગૌતમે ગૃહમંત્રી પાસે નારેબાજી કરી રહેલા આક્રમક સાંસદોને રોકવાનો પ્રયત્ન કર્યો. લોકસભાની વેલમાં નારેબાજીની શરૂઆત ટીએમસી સાંસદોએ કરી હતી અને કલ્યાણ બેનર્જીએ વિધેયક રજૂ થતાં જ નારેબાજી શરૂ કરી દીધી. બાદમાં, કોંગ્રેસ સાંસદ અને મહાસચિવ કે.સી. વેણુગોપાલે પોતાની બેઠક પરથી બિલની નકલ ફાડીને ફેંકી દીધી. ત્યારબાદ બધા કોંગ્રેસ સાંસદો વેલમાં આવી ગયા હતા.
કે.સી. વેણુગોપાલ બાદ સમાજવાદી પાર્ટીના ધર્મેન્દ્ર યાદવે પણ પોતાની બેઠક પરથી બિલની નકલ ફાડી ફેંકી દીધી અને સમાજવાદી પાર્ટીના બધા સભ્યો સંસદની વેલમાં આવી ગયા. ત્યાર બાદ જ્યારે ગૃહમંત્રી અમિત શાહ વિધેયક રજૂ કરી રહ્યા હતા, ત્યારે બધા વિરોધ પક્ષના સભ્યો લોકસભાની વેલમાં આવી ગયા અને હોબાળો મચાવવા લાગ્યા. પરિસ્થિતિ બગડતી જોઈને લોકસભાના સ્પીકર ઓમ બિર્લાએ સદનની કાર્યવાહી સ્થગિત કરી દીધી.
