યુક્રેન સાથેની જંગ વચ્ચે રશિયન સેનાની તરફથી પોલેન્ડ પર 19 ડ્રોન દાગવામાં આવ્યા છે. આમાંથી 4 ડ્રોનને પોલેન્ડની તોડી પાડ્યા હોવાનો દાવો કર્યો છે. પોલેન્ડ નાટોનો સભ્ય દેશ છે. નાટોના નિયમો મુજબ તેના કોઈ એક સહયોગી પર જો કોઈ દેશ હુમલો કરે છે તો તે બધા સહયોગી દેશો પર આક્રમણ માનવામાં આવે છે. એવામાં રશિયાનો આ હુમલો ત્રીજા વિશ્વયુદ્ધને શરૂ કરનારો માનવામાં આવી રહ્યો છે. સહુની નજર નાટોના અગત્યના દેશ અમેરિકા પર છે. નાટો દેશ પોલેન્ડમાં રશિયન ડ્રોન જોવા મળ્યો. પોલેન્ડનું કહેવું છે કે આ ડ્રોન તેને મારવા માટે રશિયાએ મોકલ્યું હતું. જ્યારે રશિયાએ આ મામલે કોઈ જ પ્રતિક્રિયા આપી નથી.
પોલેન્ડ પર રશિયાનો હુમલો કેમ?
રશિયાએ પોલેન્ડ પર ડ્રોન એટેક કરવા અંગે કોઈ સ્પષ્ટ નિવેદન આપ્યું નથી, પરંતુ કહેવાય છે કે ડ્રોન કીવ પર દાગવાનો પ્રયાસ હતો, પરંતુ ડ્રોન પોલેન્ડની સરહદમાં ચાલ્યું ગયું. પોલેન્ડ યુક્રેનનો પાડોશી દેશ છે. રશિયન ડ્રોનને તોડી પાડવા માટે પોલેન્ડે F-35 નો ઉપયોગ કર્યો. હવે પોલેન્ડની સરકાર ડ્રોનના કાટમાળને શોધી રહી છે. કહેવાય છે કે અમેરિકા અને નાટો પણ કાટમાળના ઈંતજારમાં કોઈ નિવેદન આપી રહ્યું નથી. પોલેન્ડના પ્રધાનમંત્રીએ અમેરિકાના વિદેશમંત્રી માર્કો રૂબિઓ સાથે વાત કરી છે. રૂબિઓએ કહ્યું કે બધા મામલો અમારા ધ્યાનમાં છે.
ત્રીજા વિશ્વયુદ્ધની વાત કેમ કરવામાં આવી રહી છે?
1939 માં પોલેન્ડ પર હુમલા પછી જ દ્વિતીય વિશ્વયુદ્ધની શરૂઆત થઈ હતી. તે વખતે જર્મનીના એડોલ્ફ હિટલરે પોલેન્ડ પર જ પહેલો હુમલો કર્યો હતો. આ વખતે પણ રશિયા સામે યુરોપીય દેશો મજબૂતીથી મોરચા પર છે. રશિયા સામે જર્મની, બ્રિટન, ફ્રાંસ જેવા અગત્યના દેશો ખૂબ જ મુખર છે. ત્યારે જે રીતે પોલેન્ડ પર હુમલો થયો છે, તેને વિશ્વયુદ્ધ સાથે જોડવામાં આવી રહ્યો છે. ખુદ પોલેન્ડના પ્રધાનમંત્રી ડોનાલ્ડ ટસ્ક એ તેને વિશ્વયુદ્ધ સાથે જોડ્યું છે.
નાટો શું છે અને તેના નિયમો જાણો
નાટો એક સૈન્ય સંગઠન છે, જેમાં 32 દેશો સામેલ છે. તેમાં અમેરિકા, ફ્રાંસ, બ્રિટન, તુર્કી જેવા અગત્યના દેશો સામેલ છે. નાટોના અનુચ્છેદ-4 મુજબ જો કોઈ સહયોગી દેશો પર કોઈ હુમલો કરે છે, તો તેની માહિતી બધા દેશોને આપવી પડે છે. નાટોના અનુચ્છેદ-5 માં કહેવામાં આવ્યું છે કે જો કોઈ એક દેશ પર હુમલો થાય છે તો તેને બધા દેશો પર હુમલો માનવામાં આવશે. એવી સ્થિતિમાં હુમલો કરનાર દેશ સામે બધા મળી લડશે.
