ઈન્ટરનેટ પર વ્હાઈટ હાઉસનો એક વીડિયો ખૂબ વાયરલ થઈ રહ્યો છે. વીડિયોમાં વ્હાઈટ હાઉસની બીજી માળની બારીમાંથી એક રહસ્યમય કાળો બેગ નીચે પડતો દેખાઈ રહ્યો છે. એવું લાગી રહ્યું છે કે આ બેગ કોઈએ ઉપરથી નીચે ફેંક્યો હોય. જણાવવામાં આવી રહ્યું છે કે આ ઘટના લેબર ડે (1 સપ્ટેમ્બર) ની છે. ક્લિપ ઈન્ટરનેટ પર વાયરલ થઈ ગઈ છે અને લોકોમાં અલગ-અલગ અટકળો લગાવવામાં આવી રહી છે. નોંધનીય છે કે આ ઘટના પ્રેસિડન્ટ હાઉસના એક પ્રતિબંધિત વિસ્તાર પાસે કેમેરામાં કેદ થઈ છે, જે માનક પ્રોટોકોલનો સ્પષ્ટ ભંગ છે. આ ઘટનાને લઈને હજુ સુધી ન તો વ્હાઈટ હાઉસ અને ન તો સિક્રેટ સર્વિસ તરફથી કોઈ નિવેદન આવ્યું નથી, પરંતુ આ ઘટનાને લઈને અફવાઓ અને અટકળોનું બજાર ગરમાયું છે. સોશિયલ મીડિયામાં વાયરલ વ્હાઈટ હાઉસના આ વીડિયોને લઈને ધડાધડ પ્રતિક્રિયાઓ આવી રહી છે.
‘ટ્રમ્પ કદાચ ગુપ્ત દસ્તાવેજો બારીમાંથી ફેંકી રહ્યા છે’
કમેન્ટ સેક્શનમાં લોકો અલગ-અલગ થિયરી આપી રહ્યા છે. એક યુઝરે કહ્યું કે કદાચ ઈમારતની અંદર મરામત અથવા રિનોવેશનનું કામ ચાલી રહ્યું હોય અને બારીમાંથી કચરો બહાર ફેંકવામાં આવી રહ્યો હોય. ઘણી વાર કોન્ટ્રાક્ટર વસ્તુઓ નીચે લઈ જવાની જગ્યાએ સીધી બારીમાંથી જ બહાર ફેંકી દે છે. જેમ કે કાર્પેટ, પડદા કે જૂનું ફર્નિચર. બીજા એકે મજાકમાં લખ્યું કે કદાચ ટ્રમ્પને ખબર પડી હશે કે લિંકન ગુલામીના વિરોધમાં હતા, એટલે તેમણે લિંકનનો બેડરૂમ તોડવાનો નિર્ણય કર્યો. જ્યારે બીજા એક વ્યક્તિએ કહ્યું કે, ‘ટ્રમ્પ કદાચ કોઈ રશિયન જાસૂસ માટે ગુપ્ત દસ્તાવેજો બારીમાંથી ફેંકી રહ્યા છે.’
‘શું મેલાનિયા ટ્રમ્પના ડાયપર ફેંકી રહી છે?’
વળી, એક યુઝરે મજાકિયા અંદાજમાં લખ્યું કે, ‘શું મેલાનિયા ટ્રમ્પના ડાયપર ફેંકી રહી છે?’ જ્યારે બીજા એકે કહ્યું, ‘આ રાષ્ટ્રપતિનો બેડરૂમ લાગે છે.’
‘ટ્રમ્પ મરી ગયા છે’
જ્યારે, એક વ્યક્તિએ લખ્યું, ‘તેઓ એને હવા આપી રહ્યા છે. મૃત્યુની ગંધ ભારે પડી શકે છે.’ બીજા એકે સવાલ કર્યો કે, ‘ધ્વજ અડધો ઝુકેલો કેમ છે.’ આ ઘટના અમેરિકી રાષ્ટ્રપતિ ડોનાલ્ડ ટ્રમ્પ સાથે જોડાયેલી આરોગ્યની ચિંતાઓ વચ્ચે થઈ છે. હકીકતમાં તાજેતરમાં અમેરિકી રાષ્ટ્રપતિ ઘણા દિવસોથી જાહેરમાં નજરે નહોતાં પડ્યા. ત્યાર બાદ સોશિયલ મીડિયામાં ટ્રમ્પના મૃત્યુની અફવાઓ ફેલાઈ ગઈ અને ‘ટ્રમ્પ મરી ગયા છે’ ટ્રેન્ડ થવા લાગ્યું હતું. એક યુઝરે આ વીડિયોને નકલી ગણાવ્યો અને કહ્યું કે વ્હાઈટ હાઉસની બારીઓ સીલબંદ છે. ‘આ એક નકલી વીડિયો છે. આ બારીઓ સીલબંદ છે.’
